Einfaldar syrgjendum úrlausn þeirra fjölmörgu verkefna sem fylgja andláti ástvina
Það vill enginn verða sérfræðingur í að missa ástvin
Andláti fylgja fjölmörg og oft flókin verkefni á einum viðkvæmasta og erfiðasta tíma í lífi fólks. Hvað nú? vinnur að því að bjóða heildstæða þjónustu sem einfaldar þessi verkefni og veitir syrgjendum stuðning, yfirsýn og öryggi.
Hvað gerir Hvað nú?
Persónuleg þjónusta
Sérfræðingar Hvað nú? munu veita syrgjendum stuðning og ráðgjöf við úrvinnslu þeirra fjölmörgu verkefna sem fylgja í kjölfar andláts ástvinar, í eigin persónu, síma eða gegnum fjarfundabúnað, allt eftir þörfum viðskiptavina.
Fyrirtækjalausn
Hvað nú? mun bjóða upp á lausn fyrir fyrirtæki til að þau geti stutt við bakið á sínu fólki við andlát ástvinar. Betri stuðningur við starfsfólk í sorg, samstarfsfólk þess og stjórnendur getur leitt til meiri framleiðni, lengri starfsaldurs og betri vinnustaðamenningar.
Upplýsingavefur
Umfangsmikill stafrænn upplýsingabanki í stöðugum vexti þar sem syrgjendur geta nálgast skýrar og aðgengilegar leiðbeiningar sem draga úr óvissu og einfalda framkvæmd nauðsynlegra skrefa í því flókna ferli sem hefst við andlát ástvinar.
Fyrirtækið er í þróun og þín innsýn er okkur afar mikilvæg.
Með því að taka þátt í könnun okkar hjálpar þú okkur að öðlast betri skilning á
þörfum syrgjenda og þeim fjölmörgu verkefnum sem þeir standa frammi fyrir.
Um okkur
Hvað nú? er hugarfóstur tveggja vinkvenna sem báðar hafa upplifað missi náins ástvinar. Þær þekkja af eigin raun hvað verkefnin geta verið mörg og flókin og hvað minnstu ákvarðanir geta reynst erfiðar í slíkum aðstæðum. Hvað nú? er þeirra leið til að aðstoða og styðja fólk þegar það missir náinn ástvin.