Þann 16. maí fékk Hvað nú? launastyrk frá Atvinnumálum kvenna en sjóðurinn úthlutar árlega styrkjum til frumkvöðlakvenna eða fyrirtækja í þeirra eigu. Hvað nú? var í hópi 19 verkefna sem fengu styrki í ár en Inga Sæland, félags- og húsnæðismálaráðherra, afhenti styrkina við hátíðlega athöfn að Grensásvegi 9.

Erna og Guðrún mættu í viðtal í Bítið og ræddu hugmyndina á bakvið Hvað nú? og árangurinn í Gulleggs keppninni.

Hvað nú? lenti í 2. sæti í lokakeppni Gulleggsins sem haldin var í Grósku og hlutu að launum 1.000.000 kr. í verðlaun frá Landsbankanum. Auk þess var teymið valið af KPMG til að hljóta sérstök aukaverðlaun sem voru 20 klukkustunda í ráðgjöf.

Hvað nú? teymið er eitt þeirra 10 teyma sem valið var í lokakeppni Gulleggsins í ár. Gulleggið er frumkvöðlakeppni á hugmyndastigi sem hefur verið haldin í upphafi árs af KLAK - Icelandic Startups síðan 2008. 

Hvað nú? var eitt teymanna sem var valið til þátttöku í Snjallræði - 16 vikna vaxtarrými (e. incubator) sem styður við öflug teymi sem brenna fyrir lausnum á áskorunum samtímans og styðja við heimsmarkmið Sameinuðu þjóðanna.