Bítið spjallar við Hvað nú?
Erna og Guðrún, stofnendur Hvað nú?, mættu í viðtal í morgunútvarpið Bítið á Bylgjunni í morgun þar sem þær ræddu hugmyndina að baki Hvað nú? og nýlegan árangur í Gullegginu.
Í viðtalinu ræddu Heimir Karlsson og Lilja Katrín við þær meðal annars um hvatann að baki stofnun fyrirtækisins, mikilvægi þess að einfalda flókin verkefni fyrir syrgjandi aðstandendur og hvernig styrkir og frumkvöðlakeppnir eins og Gulleggið styðja við nýsköpun af samfélagslegu tagi.
Við þökkum fyrir að hafa fengið tækifæri til að fá að vekja athygli á þessum mikilvægu málum og hlökkum til að halda áfram að þróa lausnir sem styðja fólk þegar það þarf mest á þeim að halda.
